Roedd milwyr Rhufain wedi gorymdeithio o Viroconium i'r arfordir a wynebai ynys y Derwyddon - Môn - a nawr roedd yn gyfnod lladdfa a dinistr pobl a'u lleoedd sanctaidd mewn gwaed a fflamau gan elyn oedd am eu difodi'n llwyr. Doedd y Derwyddon ddim yn ymladd ag arfau, ond roedd grym eu geiriau a'u diwylliant ymysg llwythau Britannia yn peri dychryn mawr i beiriant rhyfel Rhufain.