Dyma ddarlleniad cyflawn o un o glasuron pennaf yr iaith Gymraeg. Yng nghwmni John Ogwen a Maureen Rhys daw cymeriadau'r nofel yn fyw a chyfoeth iaith lafar Dyffryn Ogwen i'ch swyno. Ystyrir Un Nos Ola Leuad y nofel Gymraeg orau erioed gan feirniaid niferus, fe'i cyfieithwyd i sawl iaith a'i haddasu i sawl cyfrwng, ond dyma'r fersiwn lafar gyflawn gyntaf i gael ei chyhoeddi.